«MILLER Mix» ЖОБАСЫН ӨТКІЗУ ЕРЕЖЕЛЕРІ МЕН ҚАТЫСУ ШАРТТАРЫ
(бұдан әрі - «Жоба ережелері» немесе «Ережелер»)


1. Жалпы ережелер
1.1 Жоба туралы жалпы мәліметтер:
1.1.1 «MILLER Mix» Жобасының (әрі қарай – «Жоба») ұйымдастырушысы «Эфес Қазақстан» ЖК АҚ-тың Алматы филиалы (мәтін бойынша әрі қарай – «Ұйымдастырушы») мына мекен-жай бойынша орналасқан: 040912, Қазақстан Республикасы, Алматы облысы, Қарасай ауданы, Елтай а/о, Береке ауылы, 062 есептік орам, 112 құрылыс.
1.1.2 Жоба «Miller Genuine Draft» брендінің танымалдылығын арттыруға бағытталған.
1.1.3 Жоба Қазақстан Республикасының аумағында жүргізіледі.
1.1.4 Жоба лотерея емес және өнімді жарнамалайтын іс-шара болып табылмайды, тек ақпараттық сипатқа ие және қатысқаны үшін сыйлықтар беру түрінде жүзеге асырылады.
1.1.5 Жобаға қатысу үшін төлем алынбайды.
1.1.6 Жобаға қатысушылар Жобаға қатысуға және сыйлықтарды алуға байланысты талаптарды Жоба Ережелерінде белгіленген тәртіп пен мерзімде орындауға міндетті.
1.1.7 Жобаны өткізу шарттары, оны өткізу барысы туралы барлық ақпарат сайтта жарияланады www.miller-music.kz (бұдан әрі мәтін бойынша - "Сайт").

2. Жобаға қатысу шарттары:
2.1 Жобаға қатысушылар: жиырма бір жасқа толған, Жоба Ережелерімен келіскен және барлық қатысу шарттарын орындаған Қазақстан Республикасының әрекетке қабілетті азаматтары (бұдан әрі – "Қатысушы").
2.2. Жобаға «Эфес Қазақстан» ЖК АҚ және оның Алматы филиалының қызметкерлері, олардың жақын туыстары, сондай-ақ Ұйымдастырушымен жұмыстарды орындауға және/немесе қызметтер көрсетуге азаматтық-құқықтық шарттар және өзге де шарттар жасасқан жеке тұлғалар қатыса алмайды.
2.3. Жобаға «Miller Genuine Draft» тауар белгісінің келесі өнімдері (әрі қарай – Өнім) қатыстырылады:
MILLER GENUINE DRAFT ақшыл сырасы, 4,4%, шыны бөтелке, 0.33 л
MILLER GENUINE DRAFT ақшыл сырасы, 4,4%, шыны бөтелке, 0.5 л
MILLER GENUINE DRAFT ақшыл сырасы, 4,4%, қаңылтыр банкі, 0.45 л
MILLER GENUINE DRAFT BEATPORT АҚШЫЛ СЫРАСЫНЫҢ ШЕКТЕУЛІ ШЫҒАРЫЛЫМЫ св.4,4% қаңылтыр банкі 0.45л

3. Дербес деректер:
3.1 Жобаға Қатысушы жеке, өз атынан, өз еркімен және дербес әрекет етеді.
3.2 Жобаға Қатысушы Жобаға қатысу мүмкіндігімен байланысты барлық жауапкершілік тәуекелдері мен салдарын өз мойнына алады.
3.3 Жобаға қатыса отырып, әрбір Қатысушы Жобаның осы Ережелерімен танысқанын және толық келісетінін, оларды сақтауға міндеттенетінін куәландырады және растайды.
3.4 Жобаға қатыса отырып, Қатысушы Жобаға қатысты ақпаратты алуға өзінің келісімін береді. Ұйымдастырушы Қатысушыға кез келген ақпаратты Қатысушымен алдын ала келісімсіз телеграм-бот арқылы жеке хабарламамен жіберуге құқылы.
3.5 Жобаға қатыса отырып, Қатысушы осы Жобаны жүзеге асыруға тікелей байланысты Ұйымдастырушының және үшінші тұлғалардың өзінің дербес деректерін жинауға, өңдеуге, сақтауға, пайдалануға, сондай-ақ Жобаны жүргізу, Жоба нәтижелерін жариялау, сыйлықтарды тапсыру және жеткізу мақсатында олардың арасында дербес деректер алмасуға, және баллдарды жинақтауда жоғары нәтижелерге қол жеткізген жағдайда өз атын Сайтқа орналастыруға келісім береді.
3.6 Ұйымдастырушы осы Ережелерде және Қазақстан Республикасының қолданыстағы заңнамасында көзделген өзге де құқықтар мен міндеттерді атқаруға міндеттенеді.


4. Жобаны өткізу кезеңі:
4.1 Жобаны өткізу кезеңі: 2024 жылдың 1 маусымнан бастап 25 тамызға дейін қоса алғанда.
4.2 Жобаға қатысу үшін өнімді сатып алу мерзімі: 2024 жылдың 1 маусымнан бастап 31 шілдеге дейін қоса алғанда.
4.3 Жобаға қатысу үшін Фискалды чектерді (бұдан әрі – "Чек") тіркеу мерзімі: 2024 жылдың 1 маусымнан бастап 31 шілдеге дейін қоса алғанда
4.4 Сыйлықтарды алуға құқығы бар тұлғаларды анықтау және Жоба нәтижесін Сайтта жариялау күні: 2024 жылдың 1 маусымнан бастап 8 тамызға дейін қоса алғанда
4.5 Сыйлықтарды беру мерзімі: 2024 жылдың 9 маусымнан бастап 25 тамызға дейін қоса алғанда.
5. Қатысушыларды Жобадан шығару:
5.1 Қатысушы Ереженің 8.1.12-тармағына сәйкес бір фотосуретті жариялау арқылы қатысады.
5.2. Қатысу мынадай жағдайларда жоққа шығарылады:
5.3 Қатысушы 21 жасқа толмаған;
5.4 Қатысушы Қазақстан Республикасының азаматы емес;
5.5 Қатысушы Сайтта өз атына бірнеше жалған аккаунттарды тіркеген;
5.6 Қатысушы Жобада жеңіске жету мүмкіндігін арттыру үшін жосықсыз әдістерді қолданған.

6. Сыйлықтар қоры:
6.1 Жобаның сыйлықтар қорына Welcome-pack, Апта сайынғы, Ай сайынғы сыйлықтар және Басты сыйлық кіреді.
6.2 Welcome-pack: Алиса Лайт музыкалық станциясы, фестивальге 2 билет) – 6 балл жинаған алғашқы тіркелген 30 қатысушыға.
6.3 Апта сайынғы сыйлықтар: Airpods pro, құлаққаптар JBL, фестивальге 2 билет – 9 жеңімпазға
6.4 Ай сайынғы сыйлықтар: iPhone 15 телефоны, фестивальге 2 билет– 2 жеңімпазға.
6.5 Басты сыйлық: винил күйтабақ ойнатқышы, JBL PartyBox динамигі, Яндекске жылдық жазылым, винил күйтабағы, дискотекаға арналған портативті лазерді қамтитын сауық кешке арналған жинақ. Жоба сыйлықтарының жалпы саны мен құрамы ұйымдастырушының шешімімен өзгертілуі мүмкін.
6.5 Сыйлықтар саны шектеулі

7. Жобаға қатысу.
7.1 Жобаға қатысу үшін қажет:
7.1.1 Miller Genuine Draft тауар таңбасының өнімімен (бұдан әрі – "Өнім") чекті Жоба Ережелерінің 4–тармағына сәйкес мерзімде бір бірлік мөлшерде тіркеу, Қазақстан Республикасының бақылау-кассалық машинаның фискалды чегінің нысаны мен мазмұны туралы заңнамасының талаптарына сәйкес келетін Өнімді сатып алғандығын растайтын чекті (бұдан әрі - "Чек") алу және сақтау.
7.1.2 Сайтта тіркелу: 21 + дисклеймер расталғаннан кейін Сайттың тиісті бөлімінде, жобаның ресми телегра- ботында тіркеу нысанын толтыру.
7.1.3 Тіркеу нысанының толтыруға міндетті өрістері:
● Аты;
● Тегі;
● Қаласы;
● Ұялы телефон нөмірі;
● Қатысушының Жоба ережелерімен келісуі.
● Туған күні.
7.1.4. Егер Қатысушы қандай да бір міндетті өрістерді толтырмаса, ол жіберіп алған өрісті толтыру қажеттілігі туралы хабардар етіледі.
7.1.5 Ұялы телефон нөмірі Жобадағы Қатысушының сәйкестендіргіші болып табылады. Тіркелген чектер осы нөмірге байланыстырылады, оларға апта сайынғы және ай сайынғы сыйлықтардың ұтыс ойынына қатысу үшін идентификатор беріледі. Ұялы телефон нөмірі Қазақстан Республикасының ұялы байланыс операторына тиесілі болуы керек.
7.2 Жоба Ережесінің 8.1 тармақтарының талаптарына сәйкес Чекті сайтта тіркеу.
7.3 Чекте келесі ақпараттың болуы міндетті талап:
7.3.1 Сатып алынған Өнімнің атауы мен саны;
7.3.2 Сатып алынған Өнімнің құны;
7.3.3 Сауда нүктесінің мекен-жайы;
7.3.4 Өнімді сатып алу күні мен уақыты.
7.4 Жобаға қатысуға Жобаны өткізу кезеңінде сатып алынған Өнімнің чектері ғана қабылданады. Чек Жобаға бір рет қатысады.
7.5 Жоба Ережелерінің 4-тармағына сәйкес Жобаны өткізу мерзімдеріне сәйкес келмейтін сатып алу күні көрсетілген чектер Жобаға қатысуға жіберілмейді.
7.6 Жоба Ережелерінің 7.3-тармағында көрсетілген қандай да бір ақпарат жоқ және фискалды чектердің нысаны мен мазмұнына қойылатын Қазақстан Республикасы заңнамасының талаптарына сәйкес келмейтін чектер Жобаға қатысуға жіберілмейді.

8. Жобаға қатысу шарттары.
8.1. Чекті телеграм-ботында (бұдан әрі - телеграм-бот) тіркеу:
8.1.1. Чекті тіркеу үшін тіркеу нысанының барлық өрістерін толтыру, сондай-ақ дербес деректерді өңдеуге келісім беру және Жоба Ережелеріне келісім беру қажет.
Телеграм-ботқа тіркелу кезінде Қатысушы енгізген деректер дәл, дұрыс және өзекті (сенімді)болуы тиіс.
8.1.2. Қатысушы Чекті дұрыс тіркеген кезде оған бірегей идентификатор беріледі, жүйеде баллдар есептеледі.
8.1.3. Қатысушы чекті тіркеу туралы жауап хабарламасында Чектің жүйеге жүктелгені туралы хабардар етіледі.
8.1.4 Чектің Жоба ережелеріне сәйкестігін тексергеннен кейін, Қатысушы бұл туралы телеграм-ботта қосымша хабарламамен хабардар етіледі.
8.1.5 Чектерді Ұйымдастырушының Дерекқорына тіркеу Жоба Ережелерінің 4-тармағына сәйкес Жоба кезеңінде күн сайын 24 сағат ішінде жүзеге асырылады.
8.1.6 Чекті тіркеу кезінде Қатысушы фискалды чекті жүктеу нысанын пайдалана отырып, телеграм-ботқа Чектің суретін (чектің сканерленген көшірмесін немесе JPEG, JPG, PNG форматындағы фотосуретін) жүктеп салуы, сондай – ақ арнайы өрістерде Чекте көрсетілген деректерді көрсете отырып, чектің тіркеу нысанын (бұдан әрі – «Чектің тіркеу нысаны») толтыруы қажет:
• Чектегі MILLER GENUINE DRAFT Өнімдерінің позицияларының саны.
8.1.7 Чек жүктелгеннен кейін Қатысушының Чекті тіркеу нысанында «Чек модерацияға қабылданды» ақпараты көрсетіледі.
8.1.8 Әрбір тіркелген Қатысушыға модерациядан өту үшін бірегей реттік нөмір беріледі.
8.1.9 Чек сайтта тіркелгеннен кейін 5 (бес) жұмыс күні ішінде Ұйымдастырушы чектің Жоба Ережелерінің шарттарына сәйкестігіне тексеру жүргізеді (бұдан әрі – «Модерация»).
8.1.10 Модерация нәтижелері:
• Егер Чек Жоба Ережелерінің шарттарына сәйкес келсе, ресми телеграм-бот Қатысушының қосымша жинақталған балы мен сәтті модерация туралы хабарлама жібереді;
• Тіркеу нысанын толтыру кезінде Қатысушы ұсынған деректердің Жоба Ережелеріне кез келген сәйкессіздігі анықталса немесе телеграм-ботқа жүктелген чектің Жоба талаптарына сәйкессіздігі анықталған жағдайда Қатысушыға тіркеу кезінде көрсетілген мобильді нөмірге жүктелген Чектің деректері Жоба Ережелеріне сәйкес келмейтіндігі туралы мәтіндік хабарлама жіберіледі.
8.1.11 Чектер жобаға қатысуға жіберілмейді, егер:
• Телеграм-ботта Чекті тіркеу нысанына енгізілген Чек деректері мен телеграм-ботқа жүктелген Чек суреті арасында деректер сәйкессіздігі бар болса;
• Чекте көрсетілген күн Жоба Ережелерінің 4-тармағында көрсетілген мерзімге сәйкес келмесе;
• Ұйымдастырушы Чекті түпнұсқа деп сәйкестендіре алмайды (қателері бар, Қазақстан Республикасы заңнамасының талаптарына сәйкес келмейді және т.б.); Чек бүлінген/тұтастығы бұзылған. Чектің тұтастығы толық көлемде сақталуы керек. Чек кез-келген механикалық әсерге ұшыраған жағдайда жарамсыз болып саналады: мыжылған, суланған, жыртылған, чектегі ақпарат оқылмайды және т.б.;
• Сайтқа жүктелген Чектің суреті бұлыңғыр, анық емес, чектегі ақпаратты оқу мүмкін емес;
• Чек Жоба Ережелерінің 8.1.6 және 7.3-тармақтарында көрсетілген талаптарға сәйкес келмесе;
• Чек көшірме болса (сол немесе кез-келген басқа акцияға қатысушының).
8.1.12. 1 (бір) Чек телеграм-ботта бір рет тіркелуі керек. Қатысушы бір Чектің деректерін екі және одан да көп рет тіркеуге әрекет жасаған жағдайда, Чектің өзі және Чектің қайталама деректері Жобаға қатысуға қабылданбайды.
8.1.13. Қатысушылармен тіркелген Чектердің барлық суреттері Жобаға қатысушылар туралы ақпаратты қамтитын ұйымдастырушының дерекқорында (бұдан әрі – «Ұйымдастырушының дерекқоры») сақталады.
8.1.14. Чектерді Ұйымдастырушының дерекқорына тіркеу Жоба Ережелерінің 4-тармағына сәйкес Жоба кезеңінде күн сайын 24 сағат ішінде жүзеге асырылады.
8.1.15. Жоба Ережелерінің талаптары орындалған жағдайда әрбір Қатысушы Жобаға шектеусіз рет қатысуға (чектердің шектеусіз санын тіркеуге) құқылы.
8.2 Ұйымдастырушы Қатысушымен оларға берілген байланыс арналары арқылы байланыса алады:
Ұялы телефон. Қатысушы тіркеген ұялы телефон нөмірі Жобаның бүкіл мерзімі ішінде Қатысушыда сақталуы тиіс. Үшінші тұлғалар ұялы телефон нөмірін иеленген жағдайда, тіркелген ұялы телефон нөмірін өзгерткен жағдайда Жеңімпаз Жоба сыйлығын алу құқығынан айырылады. Чекті басқа телефон нөмірімен қайта тіркеуге жол берілмейді.
8.3. Сыйлықтарды табыстау үшін Жеңімпаздарды анықтау жүйесі.
8.3.1 Жеңімпаздарды анықтау жүктелген Чектердің нәтижелері бойынша жүзеге асырылады. Әрбір Өнім бірлігі Сыйлық алу үшін 1 (бір) мүмкіндікке тең.
8.3.2 Чекті тіркеу кезінде Қатысушыға, егер Қатысушының Чегі тіркелген алғашқы 30 (отыз) фискалды чекке кірсе және 6 балл не одан да көп болса, кепілдендірілген Сыйлық ала алатындығы туралы, сондай-ақ апта сайынғы және ай сайынғы сыйлық алу байқауларына қатысатындығы туралы хабарланады.
8.3.3 Жоба ережелеріне сәйкес фискалды чектерді тіркеген және 6 не одан да көп балл жинаған алғашқы 30 (отыз) Қатысушы welcome-pack сыйлығына құқылы. Тіркелген чектер санына қарамастан, Қатысушының әрқайсысы (бірегей мобильді нөмір бойынша) Жобаның барлық кезеңінде бір ғана кепілдендірілген сыйлық алуға мүмкіндігі бар.
8.3.4 Апта сайынғы және ай сайынғы сыйлықтар алуға арналған Жоба Жоба Ережелеріне сәйкес, Жоба Қатысушылары арасында кездейсоқ іріктеу арқылы жеңімпаздарды анықтайтын арнайы компьютерлік бағдарламаны пайдалана отырып жүргізіледі.
8.3.5 Апталық сыйлық Жобада айқындалады және Жоба ережелеріне сәйкес келетін жеке кабинетте 1 (бір) және одан да көп чек беру ұтыс ойыны сәтіне Жобаның басынан бастап тіркелген Қатысушылар арасында беріледі. Miller Genuine Draft Өнімінің чектегі әрбір позициясы Апталық сыйлықты алу үшін 1 (бір) мүмкіндікке тең, ол үшін 1 балл беріледі. Қатысушының  балы неғұрлым көп болса, сыйлық алу мүмкіндігі соғұрлым жоғары болады.
8.3.6 Ай сайынғы сыйлық Жобада айқындалады және Жобаның басталуынан бастап Жоба Ережелеріне сәйкес келетін 1 (бір) және одан да көп чектерді тіркеген және ағымдағы айда 5 және одан да көп балл жинаған Қатысушылар арасында беріледі. Миллер өнімінің чектегі әрбір позициясы апта сайынғы сыйлық үшін күресте 1 (бір) мүмкіндікке тең, ол үшін 1 балл беріледі. Қатысушының балы неғұрлым көп болса, сыйлық алу мүмкіндігі соғұрлым жоғары болады.
8.3.7 Басты сыйлық Жобада айқындалады және Жоба басталғаннан бастап жеңімпаз анықталған сәтке дейін Жобаның Ережелеріне сәйкес келетін жеке кабинетте 1 (бір) және одан да көп чек тіркеген және ағымдағы айда 5 және одан да көп балл жинаған Қатысушылар арасында беріледі. Әрбір чек басты сыйлық үшін күресте 1 (бір) мүмкіндікке тең. Қатысушының тіркелген чектері неғұрлым көп болса, сыйлық алу мүмкіндігі соғұрлым жоғары болады.
8.3.8 Сыйлықтардың жеңімпаздары анықталғаннан кейін Ұйымдастырушы Сайтта тіркелу кезінде Қатысушы көрсеткен ұялы телефон нөміріне қоңырау шалу немесе Сайтта Чекті тіркеу кезінде Қатысушы көрсеткен телеграм-боттағы ұялы нөмірге мәтіндік хабарлама арқылы Жобаның нәтижелері туралы жеңімпаздарды хабардар етеді.
8.3.9 Егер қандай да бір себептермен (ұялы телефон байланыс аясынан тыс жерде болса, жеңімпаз қоңырауға жауап бермейді және т.б.) Ұйымдастырушы Жеңімпаз анықталған сәттен бастап 24 (жиырма төрт) сағат ішінде Жеңімпазбен байланыса алмаса, жеңімпаз сыйлық алу мүмкіндігін жоғалтады, ал сыйлық Баламалы үміткерге қайта тағайындалады. Баламалы үміткермен байланыс болмаған жағдайда сыйлық келесі Баламалы үміткерге өтеді.
8.3.10 Жоба Жеңімпаздарының есімдері Сайтта, «Жеңімпаздар» бөлімінде сыйлық алуға жеңімпаз анықталғаннан кейін күнтізбелік 5 (бес) күн ішінде жариялануға тиіс.
8.3.11 Сыйлық Жеңімпаздарының толық тізімі сайтта 2024 жылдың 15 тамызынан кешіктірілмей жарияланады.
8.3.12 Сыйлықтарды ақшалай түрде беру көзделмеген.
8.3.13 Сыйлықтарды алушыларды Ұйымдастырушы ұялы телефонына қоңырау шалу арқылы сыйлықты жеткізу мекен-жайын нақтылау үшін хабардар етеді, әрі қарай сыйлық Қатысушыға курьерлік қызметпен курьерлік қызметті тасымалдау қағидаларында көзделген мерзімдерде жіберілетін болады.


9. Басқа шарттар:
9.1 Ұйымдастырушы Жобаны өткізу кезеңі ішінде осы Ережеге өзгерістер енгізуге және сыйлық қоры таусылған жағдайда Жобаны мерзімінен бұрын аяқтау құқығын өзіне қалдырады. Бұл ретте осы Ереженің кез келген өзгерістері туралы ақпарат Сайтқа жарияланады.
9.2 Осы Ережені сақтамау фактісі анықталған жағдайда Ұйымдастырушы Қатысушыға Сыйлық беруден бас тарту;
9.3 Осы Ережеде көзделген жағдайларды қоспағанда, Ұйымдастырушы қатысушылармен жазбаша келіссөздер жүргізбеу немесе кез келген басқа да байланысқа түспеу;
9.4 Егер Қатысушы сыйлық алудан бас тартса немесе Сыйлық жіберу үшін нақты ақпарат бермесе, сыйлықты алмауына байланысты Қатысушының шағымын қараудан бас тарту;
9.5 Қатысушылардан осы Ережеде көзделген жағдайларда қажетті ақпарат пен құжаттарды, сондай-ақ мемлекеттік органдарға ұсынуға арналған, сондай-ақ Сыйлықтар беруді жүзеге асыру үшін өзге де құжаттарды талап ету;
9.6 Осы Ережеде және Қазақстан Республикасының заңнамасында көзделген жағдайларды қоспағанда, Ұйымдастырушы жобаны өткізумен байланысты емес мақсаттар үшін Қатысушылар туралы ақпаратты үшінші тұлғаларға бермеуге құқылы.

10. Аккаунтты бұғаттау:
10.1 Жобаға Қатысушы қатарынан 5 (бес) қате чекті не чек көшірмесін тіркеуге әрекет еткен жағдайда Қатысушының ұялы телефон нөмірі бұғатталады, ал Қатысушы осы ұялы телефон нөмірінен кодтарды қате Чекті тіркеудің соңғы әрекетінен бастап 1 (бір) сағатқа тіркеу құқығынан айырылады;
10.2 Егер Қатысушы Чекті жобаға қатысуға өтінімдерді қабылдау кезеңі басталмас бұрын және / немесе аяқталғаннан кейін тіркеген жағдайда Қатысушының бұл чегі тіркелмейді;